رابط دعوة الأصدقاء
لدعوة أصدقائك للتسجيل فى المنتدى بواسطتك ما عليك الإ اعطاءهم هذا الرابط حتى تحسب نقط الدعوات إلى رصيدك
http://www.s7b1.com/vb/register.php?referrerid=0

اعلانات منتديات صحبي

طلبات الاشراف


خيارات صحبي ..
 
العودة   منتديات صحبي > المنتديات الادبية > القصص والروايات
 
 

الإهداءات

الجزء الاول من يوميات احمد ونور( الحلقه الاولى) آرجو التثبيت

القصص والروايات


الجزء الاول من يوميات احمد ونور( الحلقه الاولى) آرجو التثبيت

القصص والروايات


إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
أدوات الموضوع
#1  
غير مقروء 11-21-2011, 07:49 PM
عضو جديد
غير متواجد حالياً
لوني المفضل Crimson
 رقم العضوية : 1191
 تاريخ التسجيل : Nov 2011
 فترة الأقامة : 2343 يوم
 أخر زيارة : 11-28-2011 (12:19 AM)
 المشاركات : 11 [ + ]
 التقييم : 11
 معدل التقييم : Tito لا يوجد تقييم حاليا
بيانات اضافيه [ + ]
افتراضي الجزء الاول من يوميات احمد ونور( الحلقه الاولى) آرجو التثبيت



 

الحلقة الاولى


احمد : لو سمحتي حضرتك...ممكن براية


نور: ههههههههههههههههههههههههههه


احمد : حضرتك بتضحكي على ايه ممكن اعرف يعني لو سمحتي


نور : مش عيب شاب في سنك يطلب براية ..ده احنا في جامعة



احمد : طيب معاكي شفرة...عشان المحاضرة هتبدأ خلاص


نور : ايييييه..ايه شفرة دي..ممكن تسكت لو سمحت


احمد "بصوت عالى" : حد معاااااااه براااااااااية....او قلم زيااااااادة..ردوا


نور : انت اكيد مجنون وطي صوتك الطلبة كلها بتضحك عليك


احمد : ويضحكوا ليه ولاد الدزمة دووووووووول


نور : خلاص خلاص انا هنقل المحاضرة وبعدين اديلك تصورها


احمد : شكرا بس انقلي كويس ..وياريت تنظمي الكراسة




(اثناء ما المحاضرة شغالة ونور شغالة كتابة واحمد هيموت عشان مش معاه قلم)




احمد : يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة


نور : انت مالك ومال خطي مش كفاية هديلك تنقل مني وهتعطل انا


احمد : ليه وانتي عربية اصلك علشان تتعلطي..هما البنات متعطلين خلجة


نور : انت انسان قليل الادب...بجد مش بتعرف تكلم البنات ازاي


احمد : لأ يا شيخة والنبي المرة الجاية تبقي تجيبيلي الكتالوج بتاعك




( نور عشان رقيقة سكتت ومش عرفت ترد على احمد بحاجه وانتهت المحاضرة )




اثناء خروج الطلبة من المدرج...احمد حب يستظرف بس بطريقة غبية شوية



احمد وسط حشد من الطلبة بنات وولاد وكأنهم قطيع من المواشي



هررررررررررررررررررر...وضحكته سمعت كل اللي ماشي




(نور بتحكي مع زميلتها من كلية تانية على احمد )




نور : بصي يا هالة الولد ده....فضيحة فضيحة يعني...وحكتلها على اللي حصل


هالة : تلاقيه شاب تحفة...مش باين عليه استايل خالص..ده لابس بدلة وكرافت


نور : بس تعرفي شكله وسيم اووووي...حاسة انه طيب وعلى سجيته


هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا


نور : يا ستي سيبك


هالة : على رأيك




خلص اول يوم في الجامعة وقبل النهاية بدقايق



احمد : يا استاذة يا انسة فين المحاضرة عايز انقلها هاتيها يلا يلا بسرعة


نور : تنقل ايه يابني دي عشر ورقات غير في رسومات وجداول


احمد : ومالهم يعني عشر ورجات انتي هتخلفي وعدك ولا ايه


نور : انا مقلتش كده بس في حاجة اسمها تصوير..اسرع يعني


احمد : هههههههههههههههههه اصور ايه بخطك الزفت ده..شوفي ...زفت


نور : حقيقي انا غلطانة وكلام هالة باين عليه صح...بعد اذنك..اوف



سابته ومشيت .....



احمد: عليكي يا شيخة وعلى هالة وعلى الجامعة كلتها....وبرضه خطك زي الزفت


دى كدا الحلقه الاولى واتمنى انها تكون عجبتكم وهى بصراحه جامده جدا بس هى كذا حلقه ياريت اعرف ارائكم عشان اعرف اكملها ولا لا




رد مع اقتباس
غير مقروء 11-21-2011, 10:31 PM   #2
.:: مشرفة القسم العام والادبي::.


الصورة الرمزية ملاك الحب
غير متواجد حالياً

بيانات اضافيه [ + ]
 رقم العضوية : 1146
 تاريخ التسجيل :  Sep 2011
 أخر زيارة : 06-11-2015 (05:37 AM)
 المشاركات : 402 [ + ]
 التقييم :  11
 الجنس ~
Female
 MMS ~
MMS ~
 SMS ~
اشتقت
اليك
يامطر

فأين انت
لتغسل قلوب البشر..!!
لوني المفضل : Crimson
افتراضي رد: الجزء الاول من يوميات احمد ونور( الحلقه الاولى) آرجو التثبيت



قصه مميزه بالفعل

طرحت فاْبدعت ننتظر الجزء الثانى من القصه

دمت بكل خير



 

رد مع اقتباس
غير مقروء 11-22-2011, 03:19 PM   #3
.:: مشرفة القسم الترفيهي::.


الصورة الرمزية محمود السنى
غير متواجد حالياً

بيانات اضافيه [ + ]
 رقم العضوية : 1163
 تاريخ التسجيل :  Oct 2011
 العمر : 26
 أخر زيارة : 04-16-2017 (02:36 AM)
 المشاركات : 208 [ + ]
 التقييم :  12
 MMS ~
MMS ~
 SMS ~
نـسيـت الـهوى إلا هـواك أن خـبـأتـك في عـيـوني إلـى يـوم الـقـيـامة مـا كـفـانـي
لوني المفضل : Crimson
افتراضي رد: الجزء الاول من يوميات احمد ونور( الحلقه الاولى) آرجو التثبيت




اكيد صعيدي متخلف
ههههههههههههههههههههههه
ههههههههههههههههههه
انا صعيدي بس مش كدا يعنى
ههههههههههههههههه
شكرا على القصه
ههههههههههههههههههه


 

رد مع اقتباس
غير مقروء 11-22-2011, 06:33 PM   #4
عضو جديد


الصورة الرمزية Tito
غير متواجد حالياً

بيانات اضافيه [ + ]
 رقم العضوية : 1191
 تاريخ التسجيل :  Nov 2011
 أخر زيارة : 11-28-2011 (12:19 AM)
 المشاركات : 11 [ + ]
 التقييم :  11
 MMS ~
MMS ~
لوني المفضل : Crimson
افتراضي الجزء الاول من يوميات احمد ونور( الحلقه الثانيه)



الحلقة التانيه


"
واليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها"
" تعالوانشوف الايام والحياة الجامعية هتعمل ايه في احمد وهيتعامل معاها ازاي"
"كان
ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي


احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...

ونجح انه يجيب المرة دي ..دخل المدرج

وفجأة

لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو



احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش عاجبك

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين الدك....

وفجأة سمع صوت الدكتور بيناديله !!!!!!!!!!!!!!
.
.
.

اشوفكم الحلقه الجاااااااااااايه

سلامنجاااااااااااااااااااااا



 
 توقيع : Tito



رد مع اقتباس
غير مقروء 11-22-2011, 06:50 PM   #5
.:: مشرفة القسم الترفيهي::.


الصورة الرمزية محمود السنى
غير متواجد حالياً

بيانات اضافيه [ + ]
 رقم العضوية : 1163
 تاريخ التسجيل :  Oct 2011
 العمر : 26
 أخر زيارة : 04-16-2017 (02:36 AM)
 المشاركات : 208 [ + ]
 التقييم :  12
 MMS ~
MMS ~
 SMS ~
نـسيـت الـهوى إلا هـواك أن خـبـأتـك في عـيـوني إلـى يـوم الـقـيـامة مـا كـفـانـي
لوني المفضل : Crimson
افتراضي رد: الجزء الاول من يوميات احمد ونور( الحلقه الاولى) آرجو التثبيت



اسمح لي ابدي اعجابي بقلمك وتميزك واسلوبك الراقي وتالقك


 

رد مع اقتباس
غير مقروء 11-22-2011, 07:03 PM   #6
عضو جديد


الصورة الرمزية Tito
غير متواجد حالياً

بيانات اضافيه [ + ]
 رقم العضوية : 1191
 تاريخ التسجيل :  Nov 2011
 أخر زيارة : 11-28-2011 (12:19 AM)
 المشاركات : 11 [ + ]
 التقييم :  11
 MMS ~
MMS ~
لوني المفضل : Crimson
افتراضي رد: الجزء الاول من يوميات احمد ونور( الحلقه الثالثه)



الحلقه الثالثه



وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور :مالك ياابنى مكشر من اول السنه ليه كده

احمد:لو سمحت معاك نمرة ماحمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد:هجول بت وستين بت كمان قومي يلا

الدكتور : بس بقى اخرس شوية يا اماهطردك

احمد : انا ...تطردني ليييييييه هاتلي مكان سعادتك

الدكتور: تعالى اعد جنبي هنا على الكرسي ده

احمد : وااه...اجعد جنبك مرة واحدة ياداكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه


الدكتور : اطلع برا يلا..مش هتخضر المحاضرة

احمد : ابوس ايدك يا بيه انا امبارح مكتبتش والنهارده محضرش..مين يرضى بكده يا ناس

وهو خارج رمى عينه على نور ولمح فيها نظره عطف جميله

بعد ما المحاضرة انتهت...نور خرجت لأحمد


نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد: متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيب اوى....الخط مش كل حاجة في الانسان يعني

احمد لمح نور وهي جايةوبتبتسم بخجل

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمه دى

نور قرت الكلمة

نور : اوكي كمل انا هستناك

احمد :لا لا انتي لازم تروحى دلوقتى عشان انتى اتاخرتى خالص


نور : طيب والمحاضرة

احمد : تتحرج المحاضره

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحدالباب...والله لحد الباب بس

نور : اوكي اوكي مفيهاش حاجة اتفضل

احمد : انتي فى الجامعة هنا من امتى

نور :ايه يا احمد انا في سنك لسة اول سنة

احمد : اناعارف انا عارف

احمد : وياترى دخلتي هنا واسطة ولا ايه

نور: هههههههههههههههههه ...احمد مالك في ايه

احمد : لا بهرج معاكي

نور :
تعرف انك ........

احمد :اني ايه؟

نور : طيب اوووي

احمد : وانتي انسانة محترمة اه فعلا محترمه بجد

نور : ميرسي

احمد :يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة
فييييييييييييييييين


المحاضرة

المحاضرة

المحاضرة
.
.
يلااااااا بقي التليفزيون عمل تشششششششششششششششششششش

اشوفكم الحلقه الجاااااااااااااايه


 
 توقيع : Tito



رد مع اقتباس
غير مقروء 11-22-2011, 08:45 PM   #7
عضو جديد


الصورة الرمزية شرود انسانه
غير متواجد حالياً

بيانات اضافيه [ + ]
 رقم العضوية : 1050
 تاريخ التسجيل :  Apr 2011
 أخر زيارة : 11-24-2011 (05:04 PM)
 المشاركات : 64 [ + ]
 التقييم :  10
لوني المفضل : Crimson
افتراضي رد: الجزء الاول من يوميات احمد ونور( الحلقه الاولى) آرجو التثبيت



هههههههههههههههههههههههه
كتير جميله تسلم الايادى
وفى انتظار بقى الحلقات القادمه
ومش هنغير المحطه هههههههههههههه
دمت متالق


 
 توقيع : شرود انسانه



رد مع اقتباس
غير مقروء 11-23-2011, 07:20 PM   #8
عضو جديد


الصورة الرمزية Tito
غير متواجد حالياً

بيانات اضافيه [ + ]
 رقم العضوية : 1191
 تاريخ التسجيل :  Nov 2011
 أخر زيارة : 11-28-2011 (12:19 AM)
 المشاركات : 11 [ + ]
 التقييم :  11
 MMS ~
MMS ~
لوني المفضل : Crimson
افتراضي الجزء الاول من يوميات احمد ونور( الحلقه الرابعه )



الحلقة الرابعه
احمد مأجر شقة مفروشة وساكن فيها فترة الدراسة ....
ظبط المنبه بتاعه على ميعاد الجماعة
جرس الباب بيرن ... بيرن ... خبط جامد .... احمد قام مخضوض وبيفتح الباب وووفجأة
جارته : هاي .. انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
جارته : تؤ ... طيب قول صباح الخير .. قول صباح النور .. قول صباح اللي بتغني
احمد : يا فتاح يا عليم يا رزاق يا كريم ... يادي النيلة .. انتي عاوزة ايه مني دلوقتي
جارته : انا ؟ ؟
احمد : امال امي
جارته : تؤ تؤ انت عصبي كده ليه ... كل شئ بالتفاهم وبالهدوء ... اعملك نسكافيه يهدي اعصابك
احمد : متشكر يا ستي متشكر خالص انا ... عاوزة ايه مني على الصبح كده انا ورايا جامعة
جارته : ايه ده .. انت بتروح الجامعة ... انا بفتكرك في المدرسة
احمد : صبرني يارب صبرني ... جولي عاوزة ايه هتأخر على الجماعة
جارته : عندك حبة شطة
احمد : هاا ... جلتي عاوزة ايه
جارته : شطة شطة .... اللي بتخلي الاكل يوحوح
احمد : لا انا مش بحب اوحوح عن اذنك ... وقفل الباب ولبس بسرررعة ونزل
ركب الاتوبيس
احمد : الاجرة بكام لو سمحت يا اخينا
رد شاب ستايل ... ههههههههه ايه اخينا دي دي كلمة قديمة موت
احمد : ماشي يا عم الجديد .... بكام الاجرة
الكمثري : بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي
احمد داااااااااخل بيجرررري .... وهووووووب ... خبط في بنت وقع عليها العصير
البنت : انت غبي ... انت مبتشوفش
احمد : هشششششششششش
البنت : انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك انا خدي منديل
البنت : انا هوريك انا لازم ابهدلك
يا عمرو يا وائل يا هيثم
عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة
نور لمحت الخناقة من بعيد
نور : احمد احمد في ايه
احمد : ابعدي انتي يا نور ده تار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايه
وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله
احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور : تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحكي على ايه عاد
نور : ههههههههههههههههههههههه
احمد : يوه يوه يوه
نور : المحاضره هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ... طيب يلا
احمد : ال حديقة ال .... يلا يا هانم نلحج المحاضرة انا حاجزلك جنبي
احمد دخل لقى اتنين اعدين مكانه هو ونور

هههههههههههههههههههههههه

يلا اشوفكم الحلقه الجاااااااااااايه


 
 توقيع : Tito



رد مع اقتباس
غير مقروء 11-23-2011, 07:22 PM   #9
عضو جديد


الصورة الرمزية Tito
غير متواجد حالياً

بيانات اضافيه [ + ]
 رقم العضوية : 1191
 تاريخ التسجيل :  Nov 2011
 أخر زيارة : 11-28-2011 (12:19 AM)
 المشاركات : 11 [ + ]
 التقييم :  11
 MMS ~
MMS ~
لوني المفضل : Crimson
افتراضي رد: الجزء الاول من يوميات احمد ونور( الحلقه الاولى) آرجو التثبيت



طيب كويس والله انا شآيف ان فيه قبول حلو للقصه اتمنى انها تكون عاجباكم وبآذن الله هتعجبكم اكتر ف الحلقات الجايه


 
 توقيع : Tito



رد مع اقتباس
غير مقروء 11-24-2011, 04:04 PM   #10
عضو جديد


الصورة الرمزية شرود انسانه
غير متواجد حالياً

بيانات اضافيه [ + ]
 رقم العضوية : 1050
 تاريخ التسجيل :  Apr 2011
 أخر زيارة : 11-24-2011 (05:04 PM)
 المشاركات : 64 [ + ]
 التقييم :  10
لوني المفضل : Crimson
افتراضي رد: الجزء الاول من يوميات احمد ونور( الحلقه الاولى) آرجو التثبيت



هههههههههههههههههههه
تسلم الايادى فى انتظار الباقى
وهتابع المرات القادمه فى صمت شديد
دمت متالق


 
 توقيع : شرود انسانه



رد مع اقتباس
إضافة رد

مواقع النشر (المفضلة)

الكلمات الدليلية (Tags - تاق )
أرجو, الاول, الانمى, التثبيت, الحلقه, الجزء, احمد, يوميات, ونور


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر رد
نتائج مسابقة روميو وجوليت الجزء الاول . the_queen الحوار العام 13 04-06-2010 03:53 PM
بعض أدعية حبيبنا ونبينا محمد صلى الله عليه وسلم ....أرجو التثبيت عاشق مجنون شجرة الانبياء 10 02-14-2010 11:34 PM
((يوميات ابليس بيه وابو جهل)) الحلقة الاولى محمد دياب سـاعـه لـقـلـبـك 1 01-14-2010 03:49 PM
مصر التاريخ بالصور (الجزء الاول) محمد دياب مصر ام الدنيا 2 12-19-2009 02:13 AM

RSS RSS 2.0 XML MAP HTML

ملاحظة : جميع مايعرض في المنتدى يعبر عن وجهة نظر صاحبها ولا تعني بالضرورة وجهة نظر جميع الاعضاء

ادارة منتديات صحبي تتمنى لكم قضاء اوقات سعيده برفقتنا


Feedage Grade B rated

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%B5%D8%AD%D8%A8%D9%8A Add to My Yahoo! Add to Google! Add to AOL! Add to MSN


Loading...



Copyright ©2009 - 2018, s7b1.com fire4host
HêĽм √ 3.1 BY: ! ωαнαм ! © 2010
new notificatio by 9adq_ala7sas
دعم Sitemap Arabic By
صحبي

SEO by FiraSEO v2.0